Bakı. Trend:
Ələt-Astara yolunun Masallı rayonu, Təzəkənd kəndi ərazisindən keçən hissəsində "Ford" markalı yük avtomobili ilə "Mercedes" markalı minik avtomobili toqquşub.
Fövqəladə Hallar Nazirliyindən Trend-ə verilən məlumata görə, hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri minik avtomobilində sıxılmış vəziyyətdə qalmış sürücünü və 4 nəfər sərnişini nəqliyyat vasitəsindən çıxararaq aidiyyəti üzrə təhvil veriblər.
Əməliyyat başa çatıb.