Bakı. Trend:
Slovakiyanın paytaxtı Bratislavada keçirilən güləş üzrə Avropa çempionatı davam edir.
Trend-in məlumatına görə, yarışın ikinci günündə sərbəst güləşçilər mübarizəyə qoşulub.
Kənan Heybətov macarıstanlı dünya və Avropa çempionu İsmayıl Musukayeva 5:2 hesabıyla qalib gələrək Avropa çempionatında bürünc medal qazandı.
Azərbaycan millisinin 9 nümayəndəsi xalçaya çıxıb. Onlardan 2-si final mərhələsinə yüksəlib və sabah qızıl medal uğrunda güləşəcək. Daha 3 pəhləvanımız isə bu gün bürünc medal qazanıblar.
XXX
21:15
Slovakiyanın paytaxtı Bratislavada keçirilən güləş üzrə Avropa çempionatı davam edir.
Trend-in məlumatına görə, yarışın ikinci günündə sərbəst güləşçilər mübarizəyə qoşulub.
Beş çəki dərəcəsində əsas qarşılaşmalara start verilib, digər beş kateqoriyada isə təsəlliverici görüşlər keçirilib.
Azərbaycan millisinin 9 nümayəndəsi xalçaya çıxıb. Onlardan 2-si final mərhələsinə yüksəlib və sabah qızıl medal uğrunda güləşəcək. Daha 3 pəhləvanımız isə bu gün bürünc medal görüşünə çıxacaq.
Avropa çempionatı
Sərbəst güləş
57 kq
İslam Bazarqanov bürünc medal uğrunda güləşib. Onun rəqibi İvaylo
Tisov (Bolqarıstan) olub. 12:2 hesabı ilə qalib gələn İslam Avropa
çempionatında yığmamıza ilk medalı qazandırıb.
61 kq
Nurəddin Novruzov ilk qarşılaşmasını 1/4 finalda keçirib. O,
albaniyalı Zelimxan Abakarova 2:11 hesabı ilə uduzub. Onun rəqibi
finala yüksələ bilmədəyindən güləşçimiz bürünc şansını itirib.
65 kq
Əli Rəhimzadə bürünc medal uğrunda qarşılaşmaya çıxıb. Andrey
Sviridlə (Ukrayna) üz-üzə gələn təmsilçimiz 4:0 hesabı ilə qalib
gələrək, bürüncə sahib çıxıb.
70 kq
Kənan Heybətov bürünc medal uğrunda qarşılaşmada rəqibini gözləyir.
O, İsmayıl Musukayev (Macarıstan) - Viktor Voynoviç (Serbiya)
görüşünün qalibi ilə üz-üzə gələcək.
74 kq
Ağanəzər Novruzov yarışa 1/8 finaldan başlayıb. O, Yeqor Akuliçə
(UWW) tam üstünlüklə (10:0) qalib gələrək 1/4 finala yüksəlib. Bu
mərhələdə gürcüstanlı Giorgi Elbakidzeni 5:3 məğlub edən güləşçimiz
yarımfinala vəsiqə qazanıb. Ağanəzər albaniyalı Çermen Valievə 0:6
hesabı ilə uduzub. Təmsilçimiz sabah bürünc uğrunda Ramazan
Ramazanovla (Bolqarıstan) qarşılaşacaq.
79 kq
Orxan Abasov təsəlliverici görüşə çıxıb. O, slovakiyalı Aksarbek
Qulayevə 3:4 hesabı ilə uduzaraq medal şansını itirib.
86 kq
Arseniy Djioyev 1/8 finaldan yarışa start verib. O, Artur Nayfonova
(UWW) 1:2 hesabı ilə uduzub.
92 kq
Osman Nurmaqomedov xalça üzərinə 1/8 finalda ukraynalı Denis
Sahalyuka tam üstünlüklə (11:0) qalib gələrək 1/4 finala adlayıb.
Ardınca Yaroslav Yadkovskini (UWW) 10:0 hesabı ilə qalib gələn
pəhləvanımız yarımfinala yüksəlib. O, gürcü Miriani Maysurazdeyə
5:2 hesabı ilə qalib gələrək finala vəsiqə qazanıb. Osman qızıl
uğrunda Dauren Kuruqliyevlə (Yunanıstan) üz-üzə gələcək.
125 kq
Giorgi Meşvildişvili 1/4 finaldan yarışa start verib. Vladislav
Baytsayevə (Macarıstan) 5:0 hesabı ilə qalib gələn güləşçimiz
yarımfinala vəsiqə qazanıb. Giorgi bu mərhələdə Yanis Xramiankova
(UWW) 8:5 hesabı ilə məğlub edərək finala yüksəlib. O, həlledici
görüşdə gürcü Solomon Manaşvilə ilə qarşılaşacaq.
Qeyd edək ki, “X-Bionic” İdman Kompleksində keçiriləcək qitə birinciliyinin görüşləri hər gün Bakı vaxtı ilə saat 12:30-da start götürəcək. Yarımfinallar 18:45-də, medallar uğrunda qarşılaşmalar isə 20:00-da başlayacaq.
