Bakı. Trend:
“Neftçi” komandası növbəti transferini rəsmiləşdirib.
Trend-in məlumatına görə, bu barədə futbol klubunun mətbuat xidməti bildirib.
Məlumata əsasən, paraqvaylı sol cinah yarımmüdafiəçisi Luis Ortis heyətə cəlb olunub. 25 yaşlı futbolçu 1 il müddətinə icarəyə götürülüb.
O, bu vaxtadək yalnız vətənində “Sportivo Ameliano” klubunda çıxış edib. Bu il meydana çıxdığı 22 matçda 3 qol vurub və 2 məhsuldar ötürmə edib.