Azərbaycan, Bakı, 26 may/ Trend , müxbir İ.Xəlilova/ Azərbaycan hökuməti mayın sonunadək ölkədə tikinti biznesinin aparılmasının sadələşdirilməsi üzrə tədbiləri başa çatdırmaq niyyətindədir. Bu, AR-a, Dünya Bankı və Beynəlxalq Maliyyə Korporasiyasının sentyabrda açıqlanacaq "Doing Business 2008: İslahatları necə aparmalı" birgə hesabatında öz mövqeyini yaxşılaşdırmağa imkan verəcək. Bu barədə bazar ertəsi BMK-nın nümayəndəsi Aliyə Əzimova məlumat verib.
"Digər ölkələrlə müqayisədə Azərbaycan hökumətinin həyata keçirdiyi islahatların qiymətləndirilməsindən sonra, biz onun mövqeyinin nə dərəcədə yaxşılaşmasına dair qiymət verə bilərik", - Əzimova dəqiqləşdirib.
Hökumətlə danışıqların əsasında, mayın sonuna tikinti icazələrinin alınması üzrə prosedurların sadələşdirilməsi gözlənilir. İnvestorların hüquqlarının müdafiəsi üzrə Mülki Məcəlləyə və Qiymətli Kağızlar üzrə Dövlət Komitəsinin qaydalarına (müxtəlif tərəflərlə sazişlər üzrə) dəyişikliklər nəzərdə tutulub. Tikinti biznesi sahəsində tikinti üçün pasportların hazırlanması, torpaqların ayrılması, tikintilərin ekspertizası üçün prosedurların sadələşdirilməsi nəzərdə tutulub.
Əzimova hesab edir ki, bu il hökumət biznesin qeydiyyatı sahəsində islahat keçirib (ilin əvvəlindən "vahid pəncərə" sistemi tətbiq edilib). Hazırda tikinti icazələri, investorların hüquqlarının müdafiəsi, əmək qanunvericiliyinin liberallaşdırılması sahələrində və vergi inzibatçılığı üzrə (elektron elanedilmə sisteminin tətbiqi) işlər aparılır. Gələcəkdə biznesin bağlanması (iflas) sahəsində tədbirlərin görülməsi, xüsusilə də prosesudların (mövcud qanunvericiliyə görə iki ilədək müddət tələb olunur) və sərhədyanı ticarətin sadələşdirilməsi nəzərdə tutulur.,
Azərbaycan investisiyaların təşviqi və müdafiəsi, tikinti üçün pasportların hazırlanması, torpaqların ayrılması, tikintilərin ekspertizası üçün prosedurların sadələşdirilməsi və digər islahatlar üzrə işləri davam etdirərsə, gələn ildən islahatçı ölkələrin onluğuna düşə bilər.
Ölkədə işgüzar iqlimin yaxşılaşdırılmasında prezidentin 2007-ci il 30 aprel tarixli "Sahibkarlığın inkişafı üzrə bəzi tədbirlər haqqında" fərmanı mühüm rol oynayıb.
"Vahid pəncərə" prinsipinin tətbiqi (2008-ci il yanvarın 1-dən Vergilər Nazirliyinin vahid qeydiyyat orqanı) nəticəsində yeni müəssisələrin qeydiyyat dövrü 72 gündən maksimum 3 günədək, mərhələlərin sayı 15-dən 5-dək azaldılıb.
Beynəxalq təcrübəyə əsasən, işgüzar iqlim üzrə hesabatın tələblərinə uyğun olaraq, bank hesabının açılması və notarial qeydiyyatın müddəti bir gün olmalıdır. Qeydiyyat sistemi və digər istiqamətlər üzrə keçirilən islahatlar nəticəsində Gürcüstan 112-ci yerdən 37-ci, sonuncu hesabat üzrə isə 18-ci yerədək irəliləyib. Bu gün Azərbaycan öz mövqeyini cəmi üç pillə yaxşılaşdıraraq 96-cı yerdə qərarlaşıb.
Prosedurların sadələşdirilməsi nəticəsində qeydiyyatdan keçmiş hüquqi şəxslərin sayının hər il 10-15 min artacağı gözlənilir. Bu vaxtadək bu rəqəm 4-5 mini ötməyib. Fiziki şəxslərin payına isə 20-30 min düşüb.
Qeydiyyat prosedurunun liberallaşdırılmasına görə, dünya təcrübəsində başqa vəziyyət müşahidə edilir. ABŞ-da hər il qeydiyyatdan keçən 25 mln. sahibkarın 17 mln-ı hüquqi şəxslərin payına düşür.
Bu gün respublikada 70 mindən çox sahibkarlıq subyekti və 200 min fərdi sahibkar fəaliyyət göstərir.
"Biznesin aparılması 2008" tədqiqatında sahibkarlıq fəaliyyətinin nizamlanmasının 10 sahəsində məlumatları nəzərə alan biznesin aparılması şərtlərinin yaxşılaşması göstəricilərinə müvafiq 178 dövlətin reytinqi göstərilib.
Müəlliflə əlaqə saxlamaq üçün elektron ünvan: [email protected]
