Azərbaycan, Bakı / Trend müxbir S.Babayeva/ Azərbaycan mütəxəssisi BMT-nin Qida və Kənd Təsərrüfatı Təşkilatının (Food and Agriculture Organization of the United Nations FAO) maliyyə dəstəyi ilə və Çexiyanın Kənd Təsərrüfatı Nazirliyi tərəfindən təşkil olunmuş beynəlxalq seminarda iştirak edəcək.
Şənbə günü Azərbaycan Kənd Təsərrüfatı Nazirliyinin elmi-aqrar mərkəzindən verilən məlumata görə, tədbirdə əkinçilik elmi -tətqiqat institutunun genetika qrupunun rəhbəri Elxan Əliyev iştirak edəcək.
Seminar Praqa şəhərində sentyabrın 23-27-də "transgen bitki risklərinin qiymətləndirilməsi və idarə edilməsi" mövzusunda keçiriləcək.
Tədbirə Şərqi Avropa və MDB mütəxəssisləri dəvət olunublar.
Əliyev bu sahədə Azərbaycanda görülən işlər barədə məruzə edəcək.
Transgen birkilər o bitkilərə deyilir ki, digər bitkilərdən və heyvanlardan köçürülmüş genlər bu bitkilərdə müvəffəqiyyətlə fəaliyyət göstərə bilir. Bu o məqsədlə edilir ki, bitki-resipient insan üçün əlverişli xüsusiyyətlər, viruslara, herbisidlərə, ziyanvericilərə və bitki xəstəliklərinə yüksək davamlılıq əldə etsin.
Belə geni dəyişdirilmiş bitkilərdən əldə olunan qida məhsulları yaxşı dada malik ola, gözəl görünə və uzun müddət qala bilər. Bundan əlavə çox vaxt bu kimi bitkilər onların təbii analoqundan fərqli olaraq zəngin və sabit məhsul verir. Lakin bütün bu üstünlüklərinə baxmayaraq bu bitkilər insan orqanizminə zərərli təsir göstərir.
