SOCAR Misir NEZ-lərində pay almağa hazırdır (ƏLAVƏ OLUNUB)
Azərbaycan, Bakı, 10 noyabr /Trend, müxbir Maksim Tsurkov/
SOCAR Misirin neft emalı zavodlarında iştirak payının əldə edilməsində maraqlıdır.
Trend-in məlumatına görə, bunu jurnalistlərə SOCAR-ın prezidenti Rövnəq Abdullayev deyib.
R.Abdullayev bildirib ki, bir neçə ildir Misirə 1 milyon tondan çox həcmdə neft və neft məhsulları ixrac edirik: "Bununla da bizim treydinq fəaliyyətimiz burada yüksək səviyyəyə çatıb".
R.Abdullayev qeyd edib ki, SOCAR Misirdə iştirakını genişləndirməyi planlaşdırır: "NEZ-də pay almaqda və Misirdə neft emalı prosesində iştirakda maraqlıyıq".
