Bakı. Trend:
Azərbaycan və Türkiyə Naxçıvandan Türkiyəyə elektrik enerjisi tədarük, eləcə də Türkiyə şirkətlərinin azad edilmiş ərazilərdə bərpa olunan enerji sahələrində əməkdaşlıq imkanlarını nəzərdən keçirir.
Trend-in məlumatına görə, bunu energetika naziri Pərviz Şahbazov 2-ci Azərbaycan-Türkiyə forumunda çıxışı zamanı deyib.
Nazir qeyd edib ki, Türkiyə bərpa olunan enerjinin inkişafı, enerji səmərəliliyi, elektrik enerjisi bazarının liberallaşması və balanslaşdırılması sahəsində Azərbaycanla təcrübəsini bölüşür. Bu, enerji keçidi sahəsində iki ölkənin birgə işinə təkan verir.
(Tərcümə: Orxan Nəbiyev)