Bakı. Trend:
Seneqal BRİKS assosiasiyasına qoşulmaq istəyir və bu istiqamətdə üzv ölkələrlə danışıqlar aparır.
Trend xəbər verir ki, bu barədə ölkənin xarici işlər naziri Yasin Foll məlumat verib.
“Seneqal BRİKS-in yaradılmasını dəstəkləyən ölkələrdən biridir və hazırda bu qrupa daxil olan dövlətlərlə dialoq aparır”, – deyə Seneplus portalı nazirin sözlərini sitat gətirib.
Yasin Follun sözlərinə görə, Seneqal bu birlikdə müsbət rol oynamağa qadirdir: “Ölkəmiz sabitliyi, təbii resursları və sənayeni inkişaf etdirmək istəyi ilə BRİKS-ə əhəmiyyətli töhfə verə bilər”. Nazir həmçinin BRİKS formatının “fikir mübadiləsi və kommersiya resurslarına çıxış üçün geniş imkanlar” yaratdığını vurğulayıb.