Azərbaycan, Bakı, 3 avqust /Trend/
Müğənni Yan Kaşepava sosial şəbəkədə məşhur "Manila" mahnısının remeykini təqdim edib.
Bu barədə Trend-ə müğənninin mətbuat xidmətindən məlumat verilib.
Y.Kaşepava bildirib ki, musiqi əsəri Filippinin paytaxtı Manilanın qeyri-rəsmi himnidir. Mahnı 1972-ci ildə "Hotdogs" qrupu tərəfindən satışa çıxarılıb.
"Manila" taqal və ingilis dilləri olmaqla iki dildə ifa edilir.
Qeyd edək ki, Y.Kaşepava Bakıda anadan olub. "F.D.Roosevelt High School" və ABŞ-ın ən böyük elmi araşdırma universiteti olan Nyu York Universitetini bitirib. "Eurovision-2012" Azərbaycan milli seçim turunun iştirakçısı olub.