Bakı. Trend:
Ali Məhkəmədə terrorçu silahlı birləşmələrin tərkibində olmuş Ermənistan vətəndaşı olan 4 şəxs barəsində olan kassasiya şikayəti üzrə məhkəmə prosesləri keçirilib.
Trend xəbər verir ki, Ali Məhkəmənin qərarı ilə Bakı Apellyasiya Məhkəməsinin 26 noyabr 2021-ci il tarixli qərarı məhkumlara aid hissədə dəyişdirilib.
Həmin şəxslərə 1 il 8 ay 25 gün müddətinə azadlıqdan məhrumetmə cəzası təyin edilib. Onların həbs cəzası bitmiş sayılıb. Onlar dərhal cəzaçəkmə müəssisəsindən azad edilib.
Bakı Apelyasiya Məhkəməsinin 26 noyabr 2021-ci il tarixli qərarının qalan hissəsi dəyişdirilmədən saxlanılıb.
Xatırladaq ki, Bakı Ağır Cinayətlər Məhkəməsinin hökmü ilə onlar 6 il müddətinə azadlıqdan məhrum edilmişdi.