Bakı. Trend:
Xaçmaz Rayon İcra Hakimiyyətinin başçısı Elnur Rzayev yerli hüquq mühafizə orqanlarının, idarə, müəssisə və təşkilatların rəhbərləri ilə birlikdə Hülovlü İnzibati Ərazi Dairəsinə daxil olan Qaradağ Buduq kəndində qəbul keçirib.
Qəbulda Hülövlü, Qaradağ Buduq, Qardağlı, Rəhimoba, Ustacəlilli, Qobuqıraq, Canaxır, Mehrəliqışlaq, Bəyqışlaq və Mürsəliqışlaq kəndlərinin sakinləri iştirak edib.
Əvvəlcə şəhidlərimizin əziz xatirəsi bir dəqiqəlik sükutla yad edilib.
Daha sonra vətəndaşların müraciət və təklifləri dinlənilib.
Müraciətlər kəndlərarası yolun təmiri, yeni məktəb binasının
inşası, suvarma kanallarının təmizlənməsi ilə bağlı olub.
Müraciətləri fərdi qaydada dinləyən Rayon İcra Hakimiyyətinin
başçısı Elnur Rzayev qaldırılan məsələlərin həlli ilə bağlı
aidiyyatı təşkilatların rəhbərlərinə müvafiq tapşırıqlarını
verib.
Kənd sakinləri əhalinin problemlərinin həll edilməsi məqsədilə
yerlərdə həyata keçirilən tədbirlərə, göstərilən yüksək diqqət və
qayğıya görə Azərbaycan Respublikasının Prezidenti İlham Əliyevə
minnətdarlıqlarını ifadə ediblər.
