Bakı. Trend:
Birinci dərəcə gözdən əlilliyi olan şəxslərin Pedaqoji fəaliyyətlə məşğul olmasına icazə verilməsi təklif olunub.
Trend-in məlumatına görə, bu barədə Azərbaycan Respublikasının İnsan Hüquqları üzrə Müvəkkilinin (Ombudsmanın) 2022-ci il üzrə məruzəsində deyilir.
Məruzədə birinci dərəcə gözdən əlilliyi olan şəxslərin hüquqlarının səmərəli müdafiəsinin təmin edilməsi, o cümlədən ayrı-seçkilik hallarının qarşısının alınması məqsədilə Azərbaycan Respublikası Nazirlər Kabinetinin 2019-cu il 18 fevral tarixli, 57 nömrəli Qərarı ilə təsdiq edilmiş “Pedaqoji fəaliyyətlə məşğul olmağa yol verməyən xəstəliklərin Siyahısı”ndan “Binokulyar korluq” və “Binokulyar ağır görmə pozuntusu” xəstəliklərinin çıxarılması təklif olunub.