Bakı. Trend:
Gənc yaşımda məcburi şəkildə tərk etdiyim, Füzuliyə qayıtdığım üçün çox sevincliyəm.
Bunu Trend-ə açıqlamasında Füzuli sakini Səməd Babayev deyib.
Onun sözlərinə görə, 18 yaşında Füzulini tərk edib və burada məcburi köçkün olaraq Ceyranbatan qəsəbəsində məskunlaşıb.
"Allah Prezidentimizi qorusun, şəhidlərimizə rəhmət eləsin, qazilərimizə can-sağlığı versin", - deyə o bildirib.
Xatırladaq ki, bu gün 34 ailə, yəni 123 nəfər Füzuli sakini öz yurduna geri qayıdır. Beləliklə indiyədək Füzuli şəhərinə 596 ailənin, yəni 2245 nəfərin daimi məskunlaşması təmin edilib.