...

Yeni oyun qaydaları qəbul etmək lazımdır - Dünya Bankı icraçı direktorunun səlahiyyətlərini icra edən Mixail Tomaş Krupinski ilə müsahibə

Biznes və iqtisadiyyat xəbərləri Materials 29 Oktyabr 2008 15:08

Trend-i buradan izləyin

Budapeşt, Macarıstan, 29 oktyabr/ Trend , müxbir S.Əliyev/ Dünya Bankının Azərbaycan, Qırğızıstan, Polşa, Serbiya, İsveçrə, Tacikistan, Türkmənistan və Özbəkistan üzrə icraçı direktorunun səlahiyyətlərini icra edən Mixail Tomaş Krupinski ilə müsahibə (Michal Tomasz Krupinski).

- Beynəlxalq maliyyə böhranının Azərbaycan iqtisadiyyatına təsirini necə qiymətləndirirsiniz?

- Bu maliyyə böhranı son bir neçə il ərzində baş verən üçüncü böhrandır. Birinci böhran enerji daşıyıcılarında qiymət dəyişiklikləri ilə bağlı idi. Bildiyiniz kimi, enerji daşıyıcılarının qiymətləri kəskin şəkildə artdı, sonra isə kəskin şəkildə azaldı. Əvvəllcə qiymətlər 400 faiz artsa da ( son il ərzində 100 faiz), son vaxtlar azalıb. Bu həm enerji daşıyıcılarını satan ölkələrə, həm də enerji daşıyıcıları alıcıları olan ölkələrə xoş deyil. Ona görə bu prosesi saxlamaq üçün yeni oyun qaydaları qəbul etmək lazımdır.

İkinci böhran istehlak məhsullarının qiymətləri ilə bağlı böhrandır. Son illər məhsulların qiymət artımı çox böyükdür - ildə orta hesabla 10 faiz.

Daşınmaz əmlak bazarında yaranan böhran da iqtisadiyyata güclü zərbə vurub. Azərbaycanda necə olduğunu bilmirəm, amma mənim ölkəmdə - Polşada bu böhranın başlaması artıq görünür. Bu resessiyanın özünü necə aparacağı və digər ölkələrə, o cümlədən də Azərbaycana təsir edib-etməyəcəyi maraqlıdır. Fikrimcə, Azərbaycan bu böhranı əksər başqa dövlətlərdən daha yaxşı keçirəcək.

Son illər Azərbaycan əksər dünya ölkələri arasında iqtisadiyyatın artımına görə aparıcı yeri tutur. Doing Business-2007 hesabatına əsasən, Azərbaycan iqtisadi islahatların keçirilməsinə görə birinci yerdədir.

- Dünya iqtisadiyyatında böhran bu proseslərə təsir göstərəcəkmi?

- Demək istəyirəm ki, Vaşinqtonda (Dünya Bankının mənzil qərargahının yerləşdiyi şəhər) hər kəs Azərbaycanın Doing Business-2007 hesabatında tutuduğu birinci yer və ölkənizdə islahatların aparılmasında əldə edilmiş irəliləyişlər barədə danışır. Bu artımı saxlamaq üçün zəruri olan hər bir şeyi etmək lazımdır və bu, sərmayədarlar üçün yaxşı mühitdir. Belə ki, bu, bütün dünyanı Azərbaycana cəlb edir və digər ölkələr böhran zamanı necə hərəkət etmələrinə diqqət yetirə bilərlər.

- Dünya maliyyə böhranının nəticələrinin aradan qaldırılması üçün ölkələrin kreditləşdirilməsi səviyyəsinin artacağı gözlənilirmi?

- Böhrana məruz qalan ölkələrə gəldikdə, onlara Beynəlxalq Valyuta Fondu kömək edir. Dünya bankı ən kasıb ölkələri dəstəkləmək məqsədilə çoxmilyardlı fondlar yaradıb. Hazırda kredit bazarının zəifləməsi müşahidə olunur və DB kredit bazarı və bank sektorunu bir qədər canlandırmaq üçün əlindən gələni edəcək.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti