Azərbaycan, Bakı, 11 mart / Trend , müxbir Ü.İsmaylova /
Azərbaycan Nazirlər Kabinetinin martın 13-də parlamentə təqdim edəcəyi 2008-ci ilin yekunlarına dair hesabatında deyilir ki, 2008-ci ildə Azərbaycanın qiymətli kağızlar bazarı 1,7 milyard manat təşkil edib və bunun 88%-i ilkin, 12%-i isə təkrar bazarın payına düşüb.
Qiymətli kağızların buraxılmasında dövlət müəssisələrinin payı 61% təşkil edib. Onun strukturunda böyük hissəni maliyyə sferası tutur. Ümumilikdə isə qiymətli kağız istehsalının üçdə bir hissəsi bankların üzərinə düşür.
2007-ci illə müqayisədə səhmlərin buraxılması əməliyyatının sayının 33% azalmasına baxmayaraq onların həcmi 80% artıb. 2008-ci ildə ilkin bazarın dinamikasının ümumi iqtisadi artımı üstələməsi nəticəsində ÜDM səhmlərinin ümumi çəkisi 2007-ci ilin göstəricisi olan 3,5% -dən 5%-dək artıb.
Borc istiqraz vərəqələri bazarının həcmi 2007-ci ilin göstəricisindən 81% çox olmaqla 2008-ci ildə 9,4 milyard təşkil edib. Nəticədə borc istiqraz vərəqələri bazarının payı ÜDM-yə nisbətdə 2007-ci ilin 19% artımı ilə müqayisədə 27% yüksəlib.
2008-ci il ərzində təkrar bazarda alqı-satqının ümumi həcmi 193 mln. manat təşkil edib ki, bu da 2007-ci illə müqayisədə 31% çoxdur.
Martın 11-nə olan rəsmi məzənnə 0,8048 AZN/USD təşkil edir.
Məqalə müəllifi ilə əlaqə ünvanı: [email protected]
