Türkmənistan, Aşqabad, 05 fevral / Trend , müxbir E.Həsənov/
Aşqabaddakı birgə biznes-forumda Böyük Britaniyadan olan neft-qaz şirkətləri Türkmənistanın yanacaq-energetika kompleksinin (YEK) prioritet istiqamətlərini və tərəfdaşlıq perspektivlərini nəzərdən keçirir.
Bu tədbir artıq ikinci dəfə baş tutur. Birinci tədbir Londonda baş tutmuşdu. Buna Böyük Britaniyanın energetika naziri Malkolm Viksin 2007-ci ildə energetika sahəsində qarşılıqlı anlaşma haqda memorandum imzalandığı Aşqabad səfəri zəmin verib.
Böyük Britaniya səfirliyi və Türkmənistanın neft-qaz sənayesi və mineral resurslar nazirliyinin təşkil etdiyi Aşqabad forumuna British Petroleum, Shell, Denton Wilde Sapte, AMEC, Production Services Network, Fluor, Worley Parsons-un nümayəndələri maraq göstərib. Böyük Britaniya nümayəndə heyətinin rəsmisi energetika və iqlim dəyişməsi departamentinin direktoru Con Niv jurnalistlərə "Böyük Britaniya höküməti energetika sahəsində Türkmənistanla qarşılıqlı fəaliyyətə böyük əhəmiyyət verir", - deyə bildirib.
Biznes forumda həmçinin Türkmənistan YEK-in qanunvericilik bazası, eləcə də kəşfiyyat işləri, karbohidrogen resurslarının hasilatı, Xəzərdə dəniz blokların işlənməsi, emal blokunun yenilənməsi, elm və texnikanın son nailiyyətlərindən istifadə edərək ixrac kommunikasiya güclərinin artırılması sahələrinə xarici kapitalın cəlb edilməsi prinsipləri də təqdim olunub.
Türkmənistan YEK-də artıq çoxdan Dragon Oil, Burren Energy (öz türkmən layihəsini İtaliya Eni-sinə satmış) şirkətləri qismində Britaniya kapitalı iştirak edən layihələr realizə olunur. Bir vaxtlar Shell Türkmənistan qazının Türkiyə və Avropaya İran ərazisi və Xəzər vasitəsilə çıxarılması üzrə iki layihənin texniki-iqtisadi əsaslılığı zamanı özünü göstərsə də, dövlətlərarası məsələlərin həll olunmaması üzündən bu təşəbbüslər həyata keçirilməmiş qaldı.
Britaniyanın Gaffney, Cline & Associates-i buradakı karbohidrogen resurslarının müstəqil auditini həyata keçirib. 2008-ci ildə səsləndirilmiş ilkin hesablamalara görə, ölkənin şərqində yerləşən Cənubi Yolotan-Osman yatağı planetin beş ən böyük qaz yatağı sırasına daxil olub. Bu da Qərbin Türkmənistana olan marağını daha artırıb.
Məqalə müəllifi ilə əlaqə ünvanı: [email protected]