...

Azərbaycanın Rabitə Nazirliyi ITU-nun Heydərabad konfransında İKT-nin tətbiqi və inkişafı təcrübəsini təqdim edib

Telekommunikasiya Materials 7 İyun 2010 17:29 (UTC +04:00)

Azərbaycan, Bakı, 7 iyun /Trend, müxbir H.Vəliyev/

Azərbaycanın Rabitə və İnformasiya Texnologiyaları Nazirliyi ITU-nun Heydərabadda (Hindistan) keçirilmiş elektrorabitənin inkişafına dair ümumdünya konfransında İKT-nin (informasiya-kommunikasiya texnologiyaları) tətbiqi və inkişafı təcrübəsini təqdim edib. Bunu Trend-ə bazar ertəsi Azərbaycanın Rabitə və İnformasiya Texnologiyaları Nazirliyinin kadr və hüquq şöbəsinin rəisi Bəxtiyar Məmmədov deyib.

Məmmədovun sözlərinə görə, genişzolaqlı internetin tətbiqinə və məlumat ötürülməsi şəbəkəsinin inkişafına həsr olunmuş seminar zamanı Azərbaycan tərəfi genişzolaqlı internetin inkişafı aspektlərinə uyğun gələn və təhsil sahəsində İKT-nin tətbiqinə aid olan layihələri nümayiş etdirib. İki layihə nümayiş olunub - AzDataKom yüksəksürətli magistral şəbəkəsinin və AzEduNet təhsil şəbəkəsinin tikilməsinə dair layihələr.

"Bu gün genişzolaqlı çıxışın yayılması məsələsi ən əsas rolu oynayır və bununla əlaqədar BTB (Beynəlxalq Telekommunikasiya Birliyi) bu sahədə geniş təbliğat işləri aparır", - Məmmədov deyib.

Təhsil sahəsində informasiya texnologiyalarının tətbiqi ITU-nun 2010-cu ildə olan inkişafa dair hesabatında öz əksini tapan vacib məsələlərdən birinə çevrilib.

ITU-nun qiymətləndirməsinə görə, inkişafda olan ölkələrdə bir çox məktəblərin hələ də internetə çıxışdan məhrum olmasına baxmayaraq, məktəblərdə informasiya texnologiyalarını tətbiq edən ölkələrin sayı artır. Bütövlükd, hesabatda siyasət və məqsədlərə çatmağa kömək üçün zəruri olan tədbirlərə dair məsələlər üzrə üç əsas tövsiyə var. Bu, genişzolaqlı internetin populyarlaşdırılması, İKT sahəsində bilik səviyyəsinin yüksəldilməsi və onlayn kontent və əlavələrin çoxaldılmasıdır.

Bu məqsədlərlə, ITU-nun tövsiyələrinə əsasən, ölkələrin hökumətləri bir sıra konkret addımlar ata bilər. Bunlar genişzolaqlı mobil rabitə operatorlarının lisenziyalaşdırılması, təhsil müəssisələrində İKT-nin tətbiqi üçün vəsaitin ayrılması, təhsil proqramının adaptasiyası və elektron mədəniyyətin yaradılması üçün ktabların və sənədlərin əlifbasının dəyişdirilməsi yolu ilə yerli dillərdə onlayn kontentin və əlavələrin inkişafıdır.

Gələcəkdə ITU-nun növbəti beş ildə qlobal informasiya cəmiyyətinin yaradılmasında təşkilatın üzvləri qarşısında qoyulan məqsədlər monitorinqi üçün 50 göstəricini müəyyən etmək fikri var. Məqsədlər monitorinqi üçün göstəricilərin müəyyən olunması ITU-nun 2010-cu ildə olan inkişafa dair hesabatında nəzərə alınıb.

Xəbər lenti

Xəbər lenti