Bakı. Samir Əli - Trend:
Tullantıların idarə olunması üçün yalnız cərimələrlə iş bitmir.
Trend-in məlumatına görə, bunu mətbuat konfransında Ekologiya və Təbii Sərvətlər Nazirliyinin (ETSN) mətbuat katibi İradə İbrahimova deyib.
O bildirib ki, cərimələrlə hər şeyi həll etmək olmaz: "İctimaiyyət ətraf mühitin qorunması üçün maraqlı olmalıdır, dövlət qurumlarına yardım etməlidir. Seçim hər zaman bizim özümüzdən asılıdır".
Mətbuat katibinin sözlərinə görə, Ekologiya və Təbii Sərvətlər Nazirliyi daim tullantıların ətraf mühitə vurduğu ziyanın qarşını almaq üçün çalışır: "Ətraf mühitin mühafizəsi sahəsində görülən işlər bundan sonra da davam edəcək".