Oktyabrın 24-25-də Vaşinqtonda ATƏT-in Minsk Qrupunun (MQ) həmsədrlərinin görüşünün keçiriləcəyi gözlənilir. Bu barədə Trend ə ATƏT-in fəaliyyətdə olan Dağlıq Qarabağ münaqişəsi üzrə şəxsi nümayəndəsi Ancey Kaspşik ekskuliz olaraq məlumat verib.
O qeyd edib ki, ABŞ. Fransa və Rusiyadan olan vasitəçilərin məsləhətləşmə aparmaları və Dağlıq Qarabağ münaqişəsinin sülh yolu ilə nizamlanması prosesinin hazırki mərhələsini müzakirə etmələri vacibdir.
"Əgər hər iki tərəfdən bu məsələyə çox ciddi yanaşıldığını söyləsəm, səhv etmərəm", - deyə A. Kaspşik bildirib və danışıqlar prosesinin ləngiməsi ilə bağlı deyilənlərlə razılaşmadığını qeyd edib.
Kaspşik eləcə də, Azərbaycan və Ermənistan XİN rəhbərlərinin dekabrın 5-6-da Lyublyanada ATƏT ölkələri nazirlərinin görüşü çərçivəsində keçiriləcək görüşünə xüsusi diqqət yetirib.