...

Azərbaycanın qeydə alınmayan müxalifət təşəbbüs qrupları müxalifətin referendum kampaniyasında iştirak edə bilər

Siyasət Materials 11 Fevral 2009 18:24

Trend-i buradan izləyin

Azərbaycan, Bakı, 11 fevral / Trend , müxbir A.Hüseynbala/ Azərbaycanın bir qrup müxalif partiyasının təmsil olunduğu ittifaq qeydiyyata alınan digər təşviqat qrupları ilə əməkdaşlıq edə bilər.

"Bizim təsis etdiyimiz "Azərbaycan Xalq Cümhuriyyəti" təşviqat qrupu Mərkəzi Seçki Komissiyasında qeydiyyata alınmadığından, hər bir partiya müstəqil şəkildə həm "Respublikaçılar", həm də "Qarabağ və Respublika Uğrunda Hərəkat" təşviqat qrupları ilə təbliğat kampaniyasında iştirak edə bilər", - çərşənbə günü Trend -a Demokratiya Uğrunda İttifaqda təmsil olunan Xalq Partiyasının sədri, millət vəkili Pənah Hüseyn bildirib.

Trend -un arayışı: Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.

Referendum üzrə "Yeni Azərbaycan", "Şəhər", "Tərəqqi", "Hüquq və demokratiya", "Vətəndaş Cəmiyyəti", "Davamlı inkişaf naminə", "Zəka", "Qarabağ və Respublika Uğrunda Hərəkat" və "Respublikaçılar" təşəbbüs qrupları MSK-da təşviqat qrupları kimi qeydiyyata alınıblar. "Abad kənd", "Azad söz", "Azərbaycan Xalq Cümhuriyyəti" və "Milli İstiqlal" təşəbbüs qrupları qeydiyyatdan keçməyib.

Dairə seçki komissiyalarında 124 təşəbbüs qrupu qeydiyyatdan keçib.

Azərbaycanın Konstitusiyası 1995-ci ildə qəbul olunub, 2002-ci ildə Əsas Qanuna dəyişikliklər edilib.

Hüseynin sözlərinə görə, təşviqat kampaniyasına dəstək vermək üçün müxtəlif vasitələrdən də istifadə etmək mümkündür. "Müxalifətin bir neçə təşviqat qrupu təsis olunanda da MSK-da qeydiyyata alınan qrupla birgə əməkdaşlığın zəruri olacağı vurğulanmışdı", - partiya sədri əlavə edib.

Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur.

"Bizim təşviqat qrupunun qeydiyyata alınmaması Azərbaycanda hakimiyyətlə işbirliyində olan qüvvələrin kimlər olduğunu bir daha sübut etdi", - çərşənbə günü Trend -a Azərbaycan Milli İstiqlal Partiyasının (AMİP) informasiya və mətbuat katibi Əli Orucov bildirib.

Onun sözlərinə görə, buna baxmayaraq müxalif qüvvələr arasında yeni gərginliyin yaranmasını istəmirlər. "Qeydiyyata alınan təşviqat qrupları ilə əməkdaşlıq edib-etməmək məsələsi isə Siyası Şuranın bu həftə ərzində keçiriləcək iclasında müəyyənləşək", - Orucov əlavə edib.

AMİP funksioneri deyib ki, əməkdaşlıqda maraqlı olsalar da, bunun forması dəqiqləşdirilməlidir. "Referendumla bağlı müşahidəçi korpusunun formalaşdırılması, müəyyən təbliğat materiallarının yayılması ilə bağlı əməkdaşlıq mümkündür", - Orucov bildirib. 

AMİP-in referendumla bağlı təsis etdiyi "Milli İstiqlal" təşviqat qrupu bu gün Mərkəzi Seçki Komissiyasında qeydiyyata alınmayıb.

АMİP 1992-ci ildə yaradılan və Azərbaycanda ilk dövlət qeydiyyatına alınan partiyadır. Etibar Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Ondan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən çıxıblar.

Etibar Məmmədov hazırda Beynəlxalq Demokrat İttifaqının (BDİ) sədr müavinidir.

Məqalə müəllifi ilə əlaqə ünvanı:[email protected]

Xəbər lenti

Xəbər lenti