...

Azərbaycanın iri bankı özəlləşdirilənədək kapitallaşdırma ilə bağlı qiymətləndirilməsi aparılacaq - maliyyə naziri

Biznes və iqtisadiyyat xəbərləri Materials 7 İyun 2011 14:15 (UTC +04:00)

Azərbaycan, Bakı, 7 iyun /Trend, müxbir N.İsmayılova/

Azərbaycan Beynəlxalq Bankının (ABB) əlavə kapitallaşdırılmasının zəruriliyi məsələsinin qiymətləndirilməsi bankdakı vəziyyətin qiymətləndirilməsi üzrə yekun sənəd əsasında aparılacaq. Onu ABB-nin özəlləşdirilməsi üzrə məsləhətçi hazırlayacaq.

Maliyyə naziri Samir Şərifovun çərşənbə axşamı jurnalistlərə dediyinə görə, hazırda ABB-nin özəlləşdirilməsi üçün məsləhətçinin müəyyənləşdirilməsi üzrə tenderə yekun vurulur.

İlkin məlumatlara görə, "PriceWaterhouseCoopers", "Salans" və "Rothschild" konsorsiumu tenderin qalibi olub.

"Qiymətləndirmə şirkəti bankdakı vəziyyəti öyrənəcək və ölkə hökumətinə təkliflər təqdim edəcək, yalnız bundan sonra Beynəlxalq Bankın əlavə kapitallaşdırılmasının zəruriliyi məsələsi ilə bağlı qərar qəbul ediləcək", - nazir bildirib.

Azərbaycan Mərkəzi Bankı Beynəlxalq Banka nizamnamə kapitalını 1 milyard manatadək artırmağı tövsiyə edib.

2011-ci ilin birinci rübünün yekunları üzrə ABB-nin məcmu kapitalı 514,98 milyon manat, nizamnamə kapitalı 240 milyon manat təşkil edib.

ABB birinci rübü 4 697,6 milyon manatlıq aktivlə başa vurub. Bu göstərici 2010-cu ilin sonunda 5527,92 milyon manat olub.

ABB 1992-ci ildə "Xarici iqtisadiyyat bankı"nın varisi kimi yaradılıb. ABB Azərbaycanın bank sektorunda aparıcı yer tutur. Bankın nizamnamə kapitalında dövlətin payı 50,2 faiz təşkil edir, qalan pay isə fərdi hüquqi və fiziki şəxslər arasında bölüşdürülüb.

İyunun 7-nə olan rəsmi məzənnə 0,7888 AZN/USD təşkil edir.

Xəbər lenti

Xəbər lenti