Azərbaycan, Bakı, 4 iyun /Trend/
Bank VTB (Azərbaycan) 2013-cü ilin yekununda şəxsi kapitalın rentabelliyi (ROE) üzrə yüksək göstərici nümayiş etdirmişdir. Bu barədə Rusiyanın Bank VTB ASC-nin böyük vitse-prezidenti, Törəmə şirkətlər üzrə departamentin rəhbəri Mixail Yakunin "RİA Novosti" agentliyinə müsahibəsində bildirmişdir.
2013-cü il üzrə xarici şəbəkənin ROE əmsalının 13,8% olduğunu qeyd edən Mixail Yakunin demişdir: "Beləliklə, biz 2011-2013-cü illər üzrə müəyyənləşdirilmiş strategiyada 15% məqsədə demək olar ki, çatmışıq".
VTB-nin böyük vitse-prezidenti qeyd etmişdir ki, 2013-cü ildə və 2014-cü ilin əvvəlində VTB-nin Azərbaycanda olan "törəmə"si 1,1 milyard rubl məbləğində əlavə kapillaşdırılmışdır. Müvafiq dövr üzrə törəmə bankların əlavə kapitallaşmasının ümumi məbləği 3 milyard rubl həcmində olmuşdur. "Gələcəkdə biz ROE-si 15 %-dan yüksək olan bankların əlavə kapitallaşdırlmasını nəzərdə tutmuşuq", - deyə Mixail Yakunun əlavə etmişdir.
Bankın top-menecerinin sözlərinə görə, yeni strategiya üzrə, VTB-nin xaricdə olan törəmə banklarının hər birinin qarşısında 2016-cı ilədək ROE üzrə 15%-dan artıq göstəriciyə çatmaq məqsədi qoyulmuşdu. Bu zaman məcmu ROE 20% olmalıdır. Həmçinin, törəmə bankların VTB Qrupun miqyasında məcmu gəliri 10-12% çatmalıdır. Habelə, əməliyyat effektivliyinin artırılması, biznes proseslərin optimallaşdırılması və CIR-in azaldılması da nəzərdə tutulmuşdu.
Mixail Yakunin nəzərə çatdırmışdır ki, Azərbaycanda olan bank VTB investisiyalaşma mərhələsindədir və bankın pərakəndə şəbəkəsinin genişləndirilməsi planlaşdırılır.
Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və "AtaHolding" ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 6 filial və Baş ofisdə yerləşən Müştəri xidmətləri idarəsi ilə təmsil olunub.
