Bakı. Təmkin Cəfərov - Trend:
İranın Ərdəbil əyalətində güclü qar yağıb. Əyalətin Azərbaycan sərhədlərinə yaxın Germi, Xalxal, Nəmin və Şahrud şəhərlərində havanın temperaturunun bu gün çox aşağı düşməsi səbəbindən orta məktəblərdə dərslər dayanıb. Trend-in məlumatına görə, bu barədə İranın İRNA agentliyi xəbər verib.
Məlumata əsasən, Ərdəbil əyalətinin qar yağan şəhərlərində havanın temperaturu mənfi 8 dərəcədir.
Qeyd edək ki, ötən iki gün ərzində Ərdəbil əyalətinə güclü qar yağıb.