Bakı.Trend:
Tramp administrasiyasının 70-dən çox ölkəyə qarşı qarşılıqlı “idxal rüsumlarının” tətbiqini dayandırmasından sonra Avropa və Asiya birjalarında dirçəliş müşahidə olunur. Aparıcı indekslərin qalxdığı bildirilir.
Trend bu barədə xarici KİV-lərə istinadən xəbər verir.
Məlumata görə, London Fond birjasında FTSE 100 indeksi səhər saatlarında 4.2 faiz yüksəlib. Səhmlərin bahalaşmasından ən çox “Barclays” (14%), “JD Sports” (11%) və “Rolls Royce” (10) xeyir görüb.
Almaniya fond birjasının əsas indeksi sayılan DAX 5,7 faiz, Paris birjasında isə CAC indeksi 5.4 faiz qalxıb.