...

Baku Fashion Club “Azərbaycan dizaynerləri və estrada ulduzları” adlı yığıncaq keçirib (FOTO)

Mədəniyyət Materials 24 Aprel 2018 11:19
“Excelsior Hotel & Spa Baku” otelinin təşkilatçılığı ilə 2018-ci il aprelin 19-da otelin “Əlincə” zalında Baku Fashion Clubun növbəti yığıncağı keçirilib.
Baku Fashion Club “Azərbaycan dizaynerləri və estrada ulduzları” adlı yığıncaq keçirib (FOTO)

Trend-i buradan izləyin

Bakı. Trend:

“Excelsior Hotel & Spa Baku” otelinin təşkilatçılığı ilə 2018-ci il aprelin 19-da otelin “Əlincə” zalında Baku Fashion Clubun növbəti yığıncağı keçirilib. Bu dəfə mövzu “Tandemin sirrləri! Azərbaycan dizaynerləri və şou-biznes ulduzları” olub.

Klubun təşkilatçısı Lyubov Quturova tədbirlə bağlı bildirib ki, “zamanla ayaqlaşmağa” çalışaraq, Facebook sosial şəbəkəsində fan-page Baku Fashion Clubda nümayiş olunan birbaşa yayım sayəsində moda sahəsində iştirakçıların, həvəskarların və marağı olanların auditoriyası genişləndirilir. Çünki klubun bəyan edilmiş məqsədinin şüarı və formatı – Azərbaycan modasının peşəkarlarını və həvəskarlarını birləşdirməkdir.

Həmin gecənin spikerləri kimi məşhur Azərbaycan modelyer-dizayneri, Milli geyim mərkəzi və Moda evinin rəhbəri, teatr və kino rəssamı, sənətşünaslıq üzrə fəlsəfə doktoru Gülnara Xəlilova, modelyer-dizayner, “Zümrüd Mirzəliyeva” evinin əsasını qoymuş Zümrüd Mirzəliyeva çıxış ediblər.

Mövzunun spesifikası dərhal söhbətin istiqamətini müəyyən edib. Xüsusən də, Gülnara Xəlilovanı Azərbaycanın əməkdar artisti Tünzalə Ağayeva ilə uzun illərin məhsuldar əməkdaşlığı bağlayır, Zümrüd Mirzəliyeva isə hazırda populyar olan müğənni Günay İbrahimli ilə işləyir. Zümrüd Mirzəliyeva peşəkar bioqrafiyasında çoxdan tanıdığı Tünzalə xanımla da işləməyə vaxt tapıb.

Gülnara xanım söhbətə 1999-cu ildə fəaliyyətə başlamasından başlayaraq, vurğulayıb ki, modelyer və dizayner üçün təhsilin mühüm əhəmiyyəti var. O, yenə də bir çox həm estrada, həm də moda ulduzlarına start vermiş məşhur “Bakı payızı” müsabiqəsini yada salıb. Əməkdaşlığın təşəbbüskarının kim olduğu sualına cavab verən Gülnara xanım bildirib ki, ona həmişə müraciət edirlər və bu da onun yaradıcılıq fəaliyyətinə verilən qiymətin göstəricisidir. Tünzalə xanım ilə əməkdaşlıq dizayner üçün istisna hal deyil.

Zümrüd Mirzəliyeva zarafatla söhbətə başlayaraq deyib ki, onun üçün geyim yaratmaq söhbət etməkdən daha asandır: “Ulduz - dizayner” tandeminin uğuru, hər şeydən əvvəl – etibardır". Bu fikirdə onu Gülnara Xəlilova da dəstəkləyib. Gülnara xanımın sözlərinə görə, tamaşaçılar musiqi kompozisiyasının ifasını eşidənə qədər xanım müğənni səhnədə müəyyən qədər məsafə qət edir. Məhz bu an tamaşaçı ifaçının zövqü haqqında rəy verir. Zümrüd xanım isə ayrıca onu da qeyd edib ki, geyimləri yaradarkən, onların “təyinat məqsədi”ni nəzərə almaq vacibdir: "Çünki səhnə geyimi klip geyimindən fərqlənir. Fotosessiyalar isə öz seçim qaydalarını buyurur".

Söhbət əsnasında Zümrüd Mirzəliyeva gənc və yeni işə başlayan modelyer-dizaynerlərə onlarda məsuliyyətin dərk edilməsinin mütləq olması sözləri ilə müraciət edib, belə ki, məhz bu, sabahkı günün zövqünü və üslub hissini formalaşdırır. O, bir daha qeyd edib ki, “atelye” anlayışı bir qədər başqa spesifikadır və ondan qətiyyən qorxmaq lazım deyil: "Ən əsası, ifa zamanı şəxsi xəttini və üslubunu qoruyub saxlamaq, bununla da nəyinsə surətini çıxarmaq yox, fərdi bir şey yaratmaqdır".

Gülnara Xəlilova isə plagiatda günahlandırılmamaq üçün qəti surətdə bundan imtina edir. Onu daha çox bu gün bizdə yüksək keyfiyyətli toxuculuq istehsalının olmaması narahat edir, ona görə də dizayner geyiminin dəyəri yüksək qalır. Bizim qadınlar həmişə gözəl geyinməyi xoşlamış və bacarmışlar. Bu, həm də Zümrüd Mirzəliyeva tərəfindən dəstəklənib və o bildirib ki, Bakı şəhərinin küçələrində, təkcə küçələrdə yox, elə hər yerdə geyimdə fərdiliyin olmasını istəyir.

Klub öz fəaliyyətini davam edir və tezliklə növbəti görüşün mövzusu elan ediləcək və moda tərəfdarlarını “Excelsior Hotel & Spa Baku”nun rahat “Əlincə” zalında toplayacaq.

Məqalədə:
Xəbər lenti

Xəbər lenti