Bakı. Trend:
"Yüksəliş" müsabiqəsinin final mərhələsinə keçənlərin sayı açıqlanıb.
Trend-in məlumatına görə, gənclər və idman nazirinin müavini, müsabiqənin İşçi Qrupunun rəhbəri Fərhad Hacıyev jurnalistlərə açıqlamasında deyib ki, müsabiqənin final mərhələsinə 116 nəfər keçib.
Onun sözlərinə görə, həmin namizədlərdən 80 %-i Bakıdan, 20 %-i isə regionlardan qatılanlardır.
“Finala keçən iştirakçılardan 17 nəfəri qadındır. Təxminən 60 faiz namizəd özəl, 40 faizi isə dövlət sektorunun nümayəndələridir. Hər bir iştirakçı ilə bağlı onun psixoloji portreti də hazırlanacaq və müsabiqə çərçivəsində özünə təqdim ediləcək”, - deyə o əlavə edib.