"Excelsior Hotel Baku" oteli mətbuatda işıqlanma sayına görə birinci yerə çıxıb
Bakı. Trend:
"Media Consulting & Services" şirkəti 2016-cı ilin may ayında mətbuatda ən çox xatırlanan otellərin adlarını açıqlayıb.
Şirkətin apardığı araşdırmalara əsasən, "Excelsior Hotel Baku" oteli may ayında mətbuatda işıqlanan məlumatların sayına görə birinci yerə çıxıb. May ayında "Excelsior Hotel Baku" otelinin fəaliyyəti ilə bağlı mətbuatda 167 məlumat işıqlanmışdır. Media monitorinq 10 televiziya, 35 çap və 170 online media daxil olmaqla 215-dən çox mənbədə işıqlanan məlumatlar say, xarakter və məzmun üzrə təhlil edilərək, sektorlar üzrə şirkətlərin media reytinqi hesablanıb.
"AtaHolding" ASC Korporativ Kommunikasiya şöbəsinin rəisi Dilara Zamanova bildirdi ki, "Excelsior Hotel Baku"nun fəaliyyəti, xidmətləri və yenilikləri haqqında geniş məlumatın təqdim edilməsi otelin fəaliyyəti üçün böyük əhəmiyyət daşıyır. Belə ki, otelin siyasətinin tərkib hissəsi olan informasiya şəffaflığı müştərilərlə işin daha yaxşı qurulmasına kömək edir.
"Excelsior Hotel Baku" oteli 2005-ci ilin avqust ayından fəaliyyət göstərir. Oteldə 1 "İmperial" kral otagi, 2 "Royal" suit otaq, 4 "Crown" suit otaq, 45 "Heritage" lüks otaq ve 9 "Duke" standard otaq, həmçinin, konfrans zalları, biznes mərkəzi, restoran və barlar və şəhərin ən gözəl və böyük Spa və sağlamlıq mərkəzi var.
