...

Maliyyə Nazirliyi BVF-nin büdcə xərclərinin 2006-cı ilin qalan dövrü üçün saxlanılmasına dair tövsiyyələri ilə razı deyil

Biznes və iqtisadiyyat xəbərləri Materials 15 Sentyabr 2006 16:02 (UTC +04:00)

Trend-i buradan izləyin

Azərbaycanın Maliyyə Nazirliyi Beynəlxalq Valyuta Fondunun (BVF) tövsiyələri ilə razı deyil və dövlət büdcəsi xərclərinin 2006-cı ilin yerdə qalan dövrü üçün saxlamaq niyyətində deyil. BVF-nun Yaxın Şərq və Mərkəzi Asiya üzrə Departamentinin direktor müavini Vitali Kramarenkoun başçılıq etdiyi missiyanın son səfəri çərçivəsində hökumətə dövlət büdcəsi hesabına maliyyələşən investisiya layihələrinin icmalını aparmaq və hələ başlamayan layihələrin gerçəkləşdirilməsini təxirə salmaq tövsiyyə olunub.

"Hesab edirəm ki, dövlət büdcəsinin xərclər hissəsi icra olunmalıdır. İnvestisiya layihələrinin gerçəkləşdirilməsi zamanı təşkilatlar özləri dövlət vəsaitinə qənaət edə bilərlər", - deyə bugünkü mətbuat konfransında maliyyə naziri Samir Şərifov bildirib. Bu barədə Trend xəbər verir.

Digər tərəfdən, hökumət razıdır ki, xərclərlə ölkənin qeyri-neft sektorundan əldə olunan mədaxil arasında bərabərlik olmalıdır, - deyə nazir qeyd edib.

Yanvar-iyul aylarında dövlət büdcəsi hesabına maliyyələşən obyektlərin tikintisinə artıq 269,5 mln. manat investisiya yatırılıb ki, bu da bu il üçün nəzərdə tutulmuş vəsaitin 30,5%-ni təşkil edir. Bütövlükdə isə, 2006-cı ildə dövlət büdcəsindən bu məqsədlərə 882,3 mln. manat məbləğində vəsaitin ayrılması nəzərdə tutulub.

Xəbər lenti

Xəbər lenti