Bakı. Trend:
Azərbaycan bərpa olunan enerji mənbələri sahəsində qlobal səviyyədə rəqabət aparmaq iqtidarındadır.
Trend-in məlumatına görə, bunu bp şirkətinin vitse-prezidenti Nayl Henderson Bakıda keçirilən 27-ci Enerji forumunda deyib.
"Azərbaycan çevik intellektual və rəqəmsal enerji sistemi yarada bilər. Bu sistem bərpa olunan enerji mənbələrini istilik enerjisi və nəqliyyata inteqrasiya edəcək", - deyə o bildirib.
Onun sözlərinə günəş və külək enerjisi, geotermal enerji, hidrogen əsaslı enerji yığımı stansiyası Azərbaycanda inkişaf etdirilə və qlobal rəqabət səviyyəsinə çıxarıla bilər.
(Tərcümə: Orxan Nəbiyev)