Azərbaycan, Bakı, 1 aprel /Trend, müxbir T.Cəfərov/
Ötən 48 saat ərzində İranın İlam, Xuzestan, Kürdistan və Lorestan əyalətlərində sel və daşqınlar baş verib. Trend-in məlumatına görə, bu barədə İRNA agentliyi xəbər verir.
Məlumata əsasən, dörd əyalətdə ümumilikdə 1100 nəfər təbiət hadisələrindən zərər çəkib. Onlardan 380 nəfər müvəqqəti sığınacaqlara yerləşdiriliblər. Kürdistan əyalətinin Mərivan şəhərində 100-dən çox evi su basıb və hazırda həmin evlərin sudan təmizlənməsi istiqamətində işlər gedir.