Azərbaycan, Bakı, 11 avqust /Trend, müxbir Elmir Murad/
Ağdaş rayonunda vətəndaşa məxsus mənzildə yanğın hadisəsi baş verib.
Trend Fövqəladə Hallar Nazirliyinin saytına istinadən xəbər verir ki, rayonun, Xosrov kəndində (rayon mərkəzindən 7 km aralı) vətəndaşa məxsus ümumi sahəsi 221 kv.m olan birmərtəbəli 5 otaqlı evin 3 otağının yanar konstruksiyaları və ev əşyaları 185 kv.m sahədə yanıb.
Evin qalan hissəsi yanğından mühafizə olunub.
Yanğın saat 17:30-da yanğınsöndürənlər tərəfindən söndürülüb.