Azərbaycan, Bakı, 28 noyabr /Trend, müxbir E.Mehdiyev/
Azərbaycanda dinlər və məsləklər arasında böyük bir münasibət var və bu, Məhərrəm ayında aydın göründü. Trend-in məlumatına görə, bunu çərşənbə günü jurnalistlərə Qafqaz Müsəlmanları İdarəsinin sədri Allahşükür Paşazadə deyib.
"Aşura günü həm sünnilər, həm də şiələr məscidə gəldilər. Bir yerdə oldular, ibadət etdilər. Aşuranı bir yerdə qeyd etdilər. Yəni bu, tolerantlığın bir formasıdır. Azərbaycanda bu tolerantlıq insanlar, dinlər və məsləklər arasında davam edir və bu, çox yüksək göstəricidir", - Paşazadə əlavə edib.