...

Vüsal Hüseynov: İnkişaf etmiş ölkələr, beynəlxalq təşkilatlar münaqişələrin həllinə dəstəyi artırmalıdır

Cəmiyyət Materials 20 İyun 2019 16:51 (UTC +04:00)
Hesab edirəm ki, inkişaf etmiş ölkələr, böyük beynəlxalq təşkilatlar münaqişələrin həllinə dəstəklərini artırmalıdırlar.
Vüsal Hüseynov: İnkişaf etmiş ölkələr, beynəlxalq təşkilatlar münaqişələrin həllinə dəstəyi artırmalıdır

Bakı. İlhamə İsabalayeva - Trend:

Hesab edirəm ki, inkişaf etmiş ölkələr, böyük beynəlxalq təşkilatlar münaqişələrin həllinə dəstəklərini artırmalıdırlar.

Trend-in məlumatına görə, bunu Dövlət Miqrasiya Xidmətinin rəisi Vüsal Hüseynov 20 iyun - Ümumdünya Qaçqınlar Günü münasibətilə keçirilən tədbirdə çıxış edən zaman deyib.

Onun sözlərinə görə, beynəlxalq təşkilatların fəaliyyətinin genişlənməsi, dövlətlərin gördüyü tədbirlərin çoxalması, dünyanın resurslarla zənginləşməsi fonunda əslində dünyadakı qaçqınların sayı azalmalı idi:

"Ancaq təəssüf ki, biz bu sayda nəinki azalma, hətta artım görürük. Son 20 ildə dünyada qaçqınların sayı təxminən 60 faiz artıb və onların sayı 70 milyonu ötüb. Bunun 40 milyonu məcburi köçkünlər, 25 milyonu qaçqınlar, 3,5 milyonu sığınacaq axtaran şəxslərdir. Təbii ki, bu artımın səbəbləri bizə məlumdur. Qaçqınlar və məcburi köçkünlər dünyada baş verən proseslərin bir hissəsidir. Dünyada qaçqın olan 70 milyon şəxsin heç bir günahı yoxdur ki, onlar ədalətsiz vəziyyətlə üzləşiblər. Qaçqın problemləri ilə məşğul olan təşkilatlar digər təsisatlara, aparıcı dövlətlərə təsir etməlidirlər ki, onlar münaqişənin həllinə kömək olsunlar. Böyük dövlətlər öz resurslarını səfərbər etməlidirlər ki, nəticələr aradan qaldırılsın, tədbirlərin səmərəliliyi artsın".

Məqalədə:
Xəbər lenti

Xəbər lenti