Bakı. Trend:
İctimai Televiziya və Radio Yayımları Şirkəti Yayım Şurasının üzvlüyünə altı nəfrin namizədliyi irəli sürülüb.
Trend-in məlumatına görə, bununla bağlı məsələ Milli Məclisin Mədəniyyət komitəsinin bu gün keçirilən iclasında bildirilib.
Namizədlərin siyahısı aşağıdakı kimidir:
Azərbaycan Həmkarlar İttifaqları Konfederasiyasından:
Cəfərov Həsən Şahhüseyn oğlu - Azərbaycan Həmkarlar İttifaqı Konfederasiyasının katibi, aparat rəhbəri
Talıbov Əzim Zahid oğlu - Azərbaycan Həmkarlar İttifaqı Konfederasiyasının mətbuat və ictimaiyyətlə əlaqələr şöbəsinin mütəxəssisi
Azərbaycan Milli Elmlər Akademiyasından:
Kərimli Teymur Həşim oğlu - Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunun baş direktoru, filologiya elmləri doktoru, professor
Xavəri Sərxan Abbas oğlu- Azərbaycan Milli Elmlər Akademiyasının Rəyasət Heyətinin elmi katibi, filologiya elmləri doktoru, dosent
Azərbaycan Mətbuat Şurasından:
Həsrət Azər Hacıqulu oğlu - Mətbuat Şurası İdarə Heyətinin üzvü
Fərəcov Aqil Ələsgər oğlu - Mətbuat Şurası İdarə Heyətinin üzvü
Müzakirələrdən sonra məsələ Milli Məclisin plenar iclasına tövsiyə olunub.